Lyrics: Davide Van De Sfroos. VIIF. Diavùl.

Varda l'e rua il batel del diavul
el naviga in so l'aqua
piata cume un taul
el marinar el g'ha la facia de'n serpent
e un tatuacc
per chi l'anima' l ghe vend
la stiva l'e piena
de sciatt e de sgurbatt
e quand gh'e'l tempural
i balen cume matt...

El diavul el g'ha la gona
e quasi mai i culzon
el diavul vestiss de dona
e quasi mai de omm
el diavul l'e vesti cume qui di assicurazion
el diavul l'e difficil sia vesti de mascalzon

El diavul g'ha la facia
de pan poss
pero sbaglia mai
a fa i so moss
el diavul l'e mai in salita
quasi sempru in discesa
e podet trual
anca dent in gesa

Varda l'e rua
el diavul e i so' fredei
lassen in gir
udu de zufranei
e porten via
l'anima de certi mort
la saren a ciaf
in de la cassafort

O Adamo,
se t'e vegnu in la ment
por ciful
de dac a traa al serpent!