Lyrics: Massimo Ranieri. Oggi O Dimane. Guapparia.

Scetateve, guagliune 'e malavita...
ca e 'ntussecosa assaje 'sta serenata:
Io songo 'o 'nnammurato 'e Margarita
Ch'e 'a femmena cchiu bella d''a 'Nfrascata!

Ll'aggio purtato 'o capo cuncertino,
p''o sfizio 'e mme fa sentere 'e canta...
Mm'aggio bevuto nu bicchiere 'e vino
pecche, stanotte, 'a voglio 'ntusseca...

Scetateve guagliune 'e malavita!...

E' accumparuta 'a luna a ll'intrasatto,
pe' lle da 'o sfizio 'e mme vede distrutto...
Pe' chello che 'sta femmena mm'ha fatto,
vurria ch''a luna se vestesse 'e lutto!...

Quanno se ne venette a parta mia,
ero 'o cchiu guappo 'e vascio a Sanita...
Mo, ch'aggio perzo tutt''a guapparia,
cacciatemmenne 'a dint''a suggita!...

Scetateve guagliune 'e malavita!...

Sunate, giuvino', vuttate 'e mmane,
nun v'abbelite, ca sto' buono 'e voce!
I' mme fido 'e canta fino a dimane...
e metto 'ncroce a chi...mm'ha miso 'ncroce...

Pecche nun va cchiu a tiempo 'o mandulino?
Pecche 'a chitarra nun se fa senti?
Ma comme? chiagne tutt''o cuncertino,
addo' ch'avess''a chiagnere sul'i'...

Chiagnono sti guagliune 'e malavita!...