Lyrics: Davide Van De Sfroos. Pica!. Il Cavaliere Senza Morte.

De tera n'ho traversada, de acqua n'ho cognussuda,
de veent n'ho insce purtaa in di me sacocc...
se sun sbassaa come un ramm de sales, se sun smagiaa come un trunch de platen
ma sun staa anca bel drizz cume un cipress...
quaand che m'hann dii che'l mund girava ho cuminciaa a currech a'dree e adess ho giraa pusse de luu... ma l'soo che ho mea vengiuu...

Ho pruvaaa el Martell de Thor, i sgrafignaad de la Babayaga e Vainamoinen el m'ha insegnaa a canta...
e quanti omen con scia na spada ho trasfurmaa in funtan de saangh
e po la Morrigan la passava a neta tutt...
quand che m'hann dii che'l muund cantava stori de Achille e de Cuchulain
me n'ho cupaa pusee de luur... ma de canzonn n'ho mai sentuu...

E alura via anima in pena a carca el fuund de la damigiana
senza necorgess che ho bevuu in del Sacro Graal...
vurevi beev per desmentega e ho guadagnaa l'immortalita
propi la sira che vurevi pruva a crepa...
una Valchiria da segunda man e un druido senza giudizi
m'hann faa sulta deent nel teemp come un precipizi...
e sun partii per la nuova gloria e ho veduu merci la storia
cume un Dio in armadura ma a pe biutt...

Forsi per noia o per vanita, sun naa in sol fuund del laagh
per ritruva la spada de Re Artu...
ma Excalibur serviss a un cazzo, e Viviana me l'ha dii
se a manegiala ghe le un rembambii...
quand che m'hann dii che 'l muund pregava, ho pregaa pusse de luu
e adess che ho tacaa la spada al muur... effettivamente la me paar 'na cruus...

E sun partii per la tera santa, la lama in cieel e l'infernu in tera
perche m'han dii che l'era santa anca la guera...
culpi de spada a furma de cruus culpi de spada a mezzaloena
che in paradis a tucc ghe specia una pultrona...
e i m'hann dii che se'n cupavi tanti, scancelavi i me pecaa...
che l'e diverso cupa quii giust e quii sbagliaa...

Ma me pudevi pio muri... e quindi niente aldila...
ho saraa i occ e ho pruvaa a specia...
ho speciaa che la finiva e sun indurmentaa
ho verduu i occ e ho veuu i carri armaa...

(Grazie a Martino per questo testo)