Lyrics: Angelo Branduardi. Futuro Antico. Al'entrada Del Temps Clar.

A l'entrada del temps clar, eya
Per joia recomencar, eya
E per jelos irritar, eya
Vol la regina mostrar
Qu'el'es si amorosa
A la vi', a la via, jelos,
Laissatz nos, laissatz nos
Balar entre nos, entre nos.
El' a fait pertot mandar, eya
Non sia jusqu'a la mar, eya
Piucela ni bachalar, eya
Que tuit non vengan dancar
En la dansa joiosa.
A la vi', a la via, jelos,
Laissatz nos, laissatz nos
Balar entre nos, entre nos.

Lo reis i ven d'autra part, eya
Per la danca destorbar, eya
Que el es en cremetar, eya
Que om no li volh emblar
La regin' aurilhosa.
A la vi', a la via, jelos,
Laissatz nos, laissatz nos
Balar entre nos, entre nos.

Mais per nient lo vol far, eya
Qu'ela n'a sonh de vielhart, eya
Mais d'un leugier bachalar, eya
Qui ben sapcha solacar
La domna saborosa.
A la vi', a la via, jelos,
Laissatz nos, laissatz nos
Balar entre nos, entre nos.

Qui donc la vezes dancar, eya
E son gent cors deportar, eya
Ben pogra dir de vertat, eya
Qu'el mont non aja sa par
La regina joiosa.
A la vi', a la via, jelos,
Laissatz nos, laissatz nos
Balar entre nos, entre nos.<.p>